Голомт банкны нэрэмжит “Оюутны тэтгэлэгт хөтөлбөр”-ийн 2025 оны шилдэг оюутнуудыг шалгаруулж, 2 сая төгрөгийн сургалтын тэтгэлэг гардууллаа. Энэ удаагийн тэтгэлэгт хөтөлбөрт Монгол Улсын магадлан итгэмжлэгдсэн их, дээд сургуулиудын 3, 4-р дамжааны мэргэжлийн чиглэл харгалзахгүй 1000 гаруй оюутан материалаа ирүүлснээс шилдэг 100 оюутныг тодруулсан юм.

.

Энэхүү хөтөлбөрийн хүрээнд Менежментийн сургуулиас Банк, санхүү болон маркетинг хөтөлбөрөөр зэрэг суралцаж байгаа 4-р курсийн оюутан М.Нямдаваа, Банк, санхүү хөтөлбөрийн 3-р курсийн оюутан Г.Дулмаа, Хүний нөөцийн менежментийн 3-р курсийн оюутан Б.Ихэрцэцэг, Маркетингийн менежментийн 3-р курсийн оюутан Б.Энхжин нар тэтгэлгийн эзэд болсон байна. Тэтгэлэгт хөтөлбөрт шалгарсан нийт оюутнууддаа сургуулийн хамт олны зүгээс баяр хүргэж, цаашдын сурлага хөдөлмөрт нь өндрөөс өндөр амжилт хүсье.