БЗД-ийн Засаг даргын орлогч дарга Д.Даваасамбуу, Нийгмийн хөгжлийн хэлтсийн дарга Б.Ган-Очир МУ-ын зөвлөх Архитектор С.Намжилмаа нар ШУТИС-ийн Менежментийн сургуулийн удирдлагуудтай ирж уулзан хоёр байгууллагын хамтын ажиллагааны талаар санал солилцлоо

Уулзалтын хүрээнд:

• Баянзүрх дүүргийн удирдлагууд дүүрэгт хэрэгжүүлэх  аливаа ажилд шинжлэх ухаанчаар хандах бодлого барьж ажиллаж байгаа бөгөөд “Хөгжлийн зураглал 2030” бодлогын баримт бичгийг эрдэмтдийн судалгаан дээр үндэслэн иргэдийнхээ саналыг тусган боловсруулсан байна. Дээрх баримт бичгийн хэрэгжилтийг хангуулах, нарийвчилсан төлөвлөгөө боловсруулахад манай сургуулийн эрдэмтэн багш нар, оюутнуудтай хамтран ажиллаж шинжлэх ухааны үндэслэлтэй, судалгаанд суурилсан шийдвэр гаргах,  үйл ажиллагааг хэрэгжүүлэхэд дэмжин ажиллах,

• Баянзүрх дүүргийн удирдлага, ШУТИС-ийн Менежментийн сургуулийн захирал, доктор, профессор Г.Баттүвшинтэй хамтран ажиллагааны Санамж бичгийг ирэх 5 дугаар сард  байгуулахаар боллоо.

• Баянзүрх дүүргийн хэмжээнд байрлах зөвшөөрөлгүй ТҮЦ-ийг нүүлгэх ажлыг зохион байгуулсантай холбогдуулан ШУТИС, Менежментийн сургуулийн урьд байрлах автобусны буудал, явган хүний зорчих хэсэг дээр саад учруулсан  ТҮЦ  болон дугуй засварыг нүүлгэж, орчныг чөлөөлж хог хаягдлыг цэвэрлэлээ. Уг ажлын хүрээнд Баянзүрх дүүргийн зүгээс Менежментийн сургуультай хамтран орчны тохижилтын ажлыг хамтран хийхээр боллоо.

• Дүүрэг, орон нутагт хийж буй үйл ажиллагаатай холбоотой хүн ам, бүтээн байгуулалт, хүрээлэн буй орчин зэрэг бүхий л судалгааг хэсгийн ахлагч нар хийдэг. Үүнийг илүү боловсронгуй болгоход оюутнууд болон эрдэмтэн багш нарын оролцоо чухал. Дэлхийн олон улсад энэ жишгээр хөгжлийн замаа олсон бодит түүх бий. Тиймээс энэхүү ажлыг бодитоор хэрэгжүүлэх, дүүрэг орон нутгийн хөгжлийг түргэсгэхэд залуу хүний хувьд манлайлан, санаачилгатай ажиллахаар энэхүү ажлыг эхлүүллээ.